人氣韓國男星李準基（左）早前為佢代言嘅Samsung手機，拍咗個手機短劇《李準基的一人四色》，呢齣劇噚日正式喺網站度公開，不過個劇嘅內容就有啲簡單，基哥喺入面只扮演平凡嘅大學生，講解吓校園日常生活之餘，分別喺圖書館同健身室呢啲地方用手機同靚女談情，不過相信基哥嘅fans睇完之後，會好希望自己係劇中嘅女主角，經常可以收到佢發出嘅SMS。