喺專講PSP遊戲嘅網上討論區，有人以「PSP末日？」為題，引嚟唔少網民回應。筆者未睇內容前已諗，又係NDS友踩場言論！點知一睇，原來起題人話，有次去灣仔188掃Game，見到老闆收部PSP豪華版V2.81都只收八嚿水，於是有感而發，引伸出PSP末日、NDS皇朝嘅言論。
再睇埋回應者意見，有網民風趣咁話：「點解唔行埋去九百蚊同佢收？」也有人好坦白咁話梗係壓價啦。其實單睇表面證供，V2.81既改唔到機玩ISO，滙豐信用卡早前又掟咗咁多機出嚟，老闆出低價收都唔奇，根本同NDS皇朝與否無關。不過呢次討論，亦見到唔少Game迷心態，當中有人答：「鍾意玩大作嘅咪PSP係皇朝，消閒解悶又鍾意玩MiniGame嘅咪NDS皇朝囉！」事實上，今日兩部機同時擁有嘅人都唔少，玩邊部係視乎嗰期有咩勁Game推出，邊隻谷得夠Hit。所以話Game迷梗係以Game去衡量，由頭到尾同主機無關，兩部唔同市場嘅機成日被人攞嚟鬥，等同將Wii及PS3嚟比一樣咁無聊。
記者︰柳飄飄
http://discuss.com.hk/forumdisplay.php?fid=94&page=3