為加強巴士保安，現時九巴巴士均需配備「保險匙」才可成功啟動巴士總掣，但工會表示「保險匙一啲都唔保險」，因此九巴正試驗使用指定八達通才可撻車。
汽車交通運輸業總工會九巴分會副主任鍾健華說：「有一條匙（保險匙）在手，架架車都開得，所以只係好過冇咁解。不過據了解公司喺不多於10架巴士上，試行『八達通撻車』，有指定嘅八達通先可以開到車，嘟過都起碼多一個紀錄吖。」
對於其中一架巴士被人由屯門駛至葵涌，路途頗遙遠，鍾稱「或者係離咗職嘅同事做都唔奇。」
城大犯罪學課程教師黎定基亦認同有關說法，犯案者主要發洩對公司不滿：「如果係貪玩嘅巴士迷，冇咁叻揸到咁遠又唔撞爛，所以今次呢個人或呢班人係復仇心態多啲。」
在壹線牽討論區有網友批評「班巴敗（巴士迷敗類）映衰啲巴迷（包括我）」、「（偷返嚟）影揸巴士吖嘛，走火入魔嘢我哋唔明㗎啦。」