鬼佬長毛MattPearce近排追住煲呔嚟砌，繼入稟小額錢債審裁處向煲呔追討名叫「民主」錦鯉嘅賠償後，上星期五又有新搞作，偷偷哋拎咗幅諷刺空氣污染問題、主題叫做DonaldWeCan'tBreathe嘅掛畫，神不知鬼不覺咁掛咗喺康文署龐比度畫展嘅會場裏面，明剃康文署同煲呔眼眉。
Matt噚日同八方講，今次行動計劃周詳，佢哋唔揀最貴嘅名畫附近落手，成功避開咗保安人員嘅視線。因為示威而俾人拉過唔少次嘅Matt，事前仲諮詢過法律意見，用blue-tack將畫貼上牆，等康文署連塗污公物呢條罪都告佢唔入。Matt仲將成個行動拍成短片，用DonaldWeCan'tBreathe呢個檔案名，上載喺youtube度。聽日Donald公布施政報告，Matt話會保持低調，只會加入工會集會，一齊爭取最低工資。