垃圾車漏餿水問題，受害最深的莫過於一眾鐵騎士。在網上多個電單車技術討論區上，均有電單車友留言，指觀塘鯉魚門道、黃大仙龍翔道等繁忙路段，經常有垃圾車在路面遺留大灘餿水，一不留神隨時因跣胎而出意外。
在「鐵騎會館」論壇，車友YAMAHA留言表示，曾目擊有駕駛「綿羊仔」的鐵騎士，因路面垃圾車餿水導致跣胎炒車：「今日下午佛光街落斜旺角方向……行行吓有陣垃圾水味，條路都有啲反光，已經好小心行，到燈位前有位羊兄（綿羊仔駕駛者）已經炒咗車，咁啱後面有警車救護車亦到場，應該都係皮外傷，不過咁炒法就真係唔抵。」
另一個電單車技術討論區eBike中，署名高級鐵騎士的車友更指，曾在駕駛期間被垃圾車漏出來的餿水沾濕身。他說：「今朝經過龍翔道去葵涌，見到兩部垃圾車塞住左二線上斜，我就行快線諗住過佢，點知啱啱入彎，架垃圾車飛晒啲餿水出嚟，跟住幾滴餿水濺落喺我度……到了葵涌，不知是否餿水酸性強烈，喉嚨突然變得很痛……有無方法投訴？」