官恩娜（Ella）日前遭狂迷強行錫嘴，報警後列作非禮案處理，Ella當時受驚萬分，但前日出席完活動後，心情已平復不少，更相約同事HighTea。因重演Ella被非禮一幕而受千夫所指的DJ組合ILoveYouBoyz（艾粒），前晚演出完舞台劇後，認真地再三公開道歉。
官恩娜遭強吻非禮後，前日分別在葵芳及跑馬地出席活動，完成工作後便在兩名女助手陪同下返回紅磡寓所，五分鐘後她換好便服獨自到都會海逸酒店，與唱片公司一位女同事HighTea，二人暢快相談兩小時。Ella看來心情輕鬆，她發現記者後還友善地主動打招呼，並說：「你哋嚟保護我呀？我同朋友飲嘢咋嘛，飲完就返屋企㗎喇。」Ella訴完心曲後，再由同事陪同返回寓所休息。
否認傷口灑鹽
ILoveYouBoyz前晚在理工大學完成最後一場《歡樂粒宵》舞台劇，接受訪問時對日前重演官恩娜被非禮一幕，正式公開道歉，成員少爺占一臉認真的說：「件事發展到呢度，我哋要向為此唔開心嘅人，同埋官恩娜講對唔住。噚日晏晝我哋已經聯絡咗Ella，佢心情都平復咗，我哋向佢解釋番件事囉。」她有生氣嗎？阿占說：「冇呀。我哋知佢噚日走三場，把聲好攰囉。」另一成員Donald說：「佢明白我哋冇惡意嘅。」有指艾粒當日行為是在別人傷口上灑鹽，Donald說：「我哋冇咁嘅動機。」阿占再表示要為此道歉。
Donald續解釋：「其實我哋係想帶出男女fans同男女歌手之間，係唔應該有咁嘅瘋狂行為，呢啲係預計唔到㗎。」問到商台有否因此責備他們，艾粒表示事件是在唱片宣傳活動上發生，與商台無關，他們又謂：「公司都冇怪責我哋，以後要小心啲。唱片公司同事因為呢件事有唔方便嘅，我哋都要同佢哋講聲對唔住，唔好意思。」
安仔台慶亮燈
此外，古巨基、鄧穎芝、鄭融、王菀之及張敬軒等前晚都有到場為艾粒打氣，許志安則擔任表演嘉賓。安仔透露會出席無綫台慶亮燈儀式，他說：「我會以演員身份同胡杏兒去。」
採訪：李珮洳、娛樂突發組
攝影：陳順禎
