一直都好鍾意Wyman黃偉文，唔只因為佢填詞好鬼到肉，仲有佢寫嘅專欄好多時都好鬼bitchy，有時真係「鬧到我心坎裏去」，淨係睇佢喺雜誌訪問鬧電台舊老細，成篇訪問已經值回票價。不過講到最令我欣賞嘅係，佢對時裝嘅觸覺。你可以話佢唔夠靚仔，但邊個可以話佢着衫唔好睇？;)
最近佢同朗豪坊Crossover嘅「Wyman秋冬之部屋」，首次將佢累積多年的時裝智慧公開，喺𠵱家至10月17日朗豪坊4樓通天廣場展出，除咗Wyman珍藏嘅時裝瑰寶，連部屋嘅策劃、設計甚至製作都由佢親自主理，仲用06年秋冬流行嘅黑色、金色為主，好正！
Wyman容許我講一句，你近來為遊戲節目《以一敵百》做嘅宣傳真係太多，再多就唔型，係咪？
逄周一至周四刊出