近期新股熱潮似乎有所減退，新股股價首日升幅已大不如前，現在若單日有10至20%升幅已唔錯。不過，有網友對現正招股嘅金界控股存有希望，指有機會再次掀起新股熱。《香港討論區》網友hataip2表示，今日去渣打銀行交表時，以為會好冷清，誰不知十分踴躍。他更指出，金界是近期新股中最看好嘅一隻，可中長線投資。「因為佢係獨市，感覺好像澳門何生剛剛開葡京咁，好有潛力。」
不過，《公眾168綜合投資論壇》網友hsihsi則指金界招股生不逢時，19號掛牌日正是工商銀行招股截飛日，或會因為銀根緊絀而無人接貨，相信股價難大升。
網友神經刀直言：「金界得間賭場同埋酒店，仲要喺柬埔寨，似乎好唔掂。」縱使如此，大多數網友都抱「買大細」心態去認購此股，覺得值博率頗高。其實，金界只係金邊做獨市生意，係柬埔寨已有多間賭場。