杜琪峯執導，由吳鎮宇、黃秋生、任達華、張家輝等主演的電影《放．逐》以槍戰作主打，足足耗用了18,000發子彈，是杜琪峯用得最多子彈的電影。在拍攝煞科那場槍戰戲時，足足用了5,000發子彈，黃秋生更被槍枝擊中額角，當場流血。
寰亞投資的電影《放．逐》鐵定於本月19日上映，可是導演杜琪峯近期卻沒有空檔留在香港參與宣傳，因為前晚他已飛往美國參加紐約國際電影節，向當地觀眾推介新作。
演員走錯位
阿杜表示拍攝《放．逐》最困難是煞科那場槍戰戲，眾演員要在一個酒店景內，拍攝數十人亂槍掃射的場面，因為人太多，經常有演員走錯位，需要重拍，故單是這場戲就花了數日才可完成。
一向要求甚高的阿杜，為了令電影的槍戰場面效果更佳，故特別在美國訂購手槍及子彈，他說：「今次拍嘅槍戰戲希望同以前唔同，我諗開槍時煙可以比火多，所以一定要喺美國訂呢啲子彈同槍返嚟。呢場煞科戲用咗5,000粒子彈同反應彈，我諗呢部戲係我拍戲以嚟用得子彈最多嘅一部。」阿杜估計這部戲差不多用了18,000發子彈。
要導演賠償
而一眾演員拍攝這場煞科戲時也心情亢奮，結果黃秋生為此受傷，他笑道：「相信每個男演員都希望拍一場可以令觀眾留下深刻印象嘅槍戰戲㗎！我對呢場戲一直好期待，但我都諗唔到自己會掛彩，整傷個額頭。其實我都唔知點解會受傷，拍呢場大混戰戲時我感覺係俾人用槍撞到額頭，感覺係幾痛，嘩！我堂堂係個偶像派演員，毀容點算？當然要導演賠償損失啦！」
撰文：葉雪
