新舖速遞：越南金邊粉　打造0%脂肪湯河

在香港提起越南菜，第一時間會想到「老趙」的生牛肉湯河，外國呢？卻是「PhoHoa」的天下。「PhoHoa」是越南華僑在美國加州創辦的第一間越南小店，其後擴張到加拿大，再發展至亞洲星馬泰共有59間分店，如今第六十間分店終於進駐香港，仲標榜全港至健康！
記者：方綺君
攝影：楊錦文
模特兒：Va

新分店進駐香港

越南華僑早期移民加拿大，用自己的家庭秘方經營越南菜館「PhoHoa」，創辦人Mr.Bean無心插柳，他萬萬料不到他的湯河會如此受歡迎，分店可以開完又開，發展至今成為全球最大的連鎖式越南食店，連香港最新分店在內，總分店至今已開到第六十間。因為「PhoHoa」的發源地在美國，所以不少美國華僑都認識，香港分店負責人Ivan說︰「我哋有40%客人都係喺外國返嚟香港，佢哋一見到『PhoHoa』個名就好有親切感。」我們香港人呢？別這麼Out，一於由今日開始認識「PhoHoa」。

■創辦人Mr.Bean，幸好，樣子與出名搞笑的Mr.Bean不相似。

■認住這個長髮美女Logo與綠色制服，這是「PhoHoa」的標誌。

不用港式豬油河粉

Ivan本身也是回流人士，自小就聽過「PhoHoa」大名︰「喺外國真係人人都識，成班朋友聚埋一齊就會話︰『不如去食Pho啦。』」「Pho」是越南河粉的越南讀音，而「PhoHoa」出名在用最地道方法煮製Pho，湯底秘方絕密，Ivan打死不說：「淨係可以講有牛骨、羅勒、青葱、紅番椒之類材料熬湯底，仲要熬足5個鐘，另外河粉唔用一般港式豬油河粉，用越南粘米粉做嘅金邊粉，脂肪0%。」怪不得標榜是全港最健康的河粉。