相對於其他幾支強隊，荷蘭作客失分畀保加利亞，未致於太失威。對教練尹巴士頓嚟講，和波唔會好難過，話晒踢完3場已有7分在手，前鋒古積特勇戰受傷先至慘情，始終隊波鋒將選擇唔多（否則之前都唔使低聲下氣，想搵番雲尼斯達萊出山），家陣進攻要靠分別效力「倫敦雙雄」嘅尹佩斯、洛賓孭重飛。
可輕取阿爾巴尼亞
好彩，下仗對手阿爾巴尼亞實力較弱，禮拜三仲有中場卡拿同埋後衞比基利齊齊坐波監，搞到教練巴歷要選幾個從未踢過國際賽嘅新丁頂檔，強弱更加懸殊。尹帥上任至今，荷蘭主場甚少無波入，今次讓車馬炮都足以大炒對手，捧場客記得去馬。
周三賽程
荷蘭VS阿爾巴尼亞
開賽時間：香港時間周四2:30am
直播：/