由Jolin率先引入嘅絲帶舞，同娜姐演唱會中嘅招牌超高難度瑜伽體操動作，勢必帶動女士健美熱潮。梗係啦，個個見到佢兩個咁fit嘅身形都要歸功於勤做運動，恨嘅話不如喺屋企狂練瘦身健美體操，有成績後行出嚟畀朋友一個士別三日嘅感覺。
記者：陳穎欣 攝影：周旭文 化妝：Isabelle
Model：CherryChoi@GrandeeModel
鳴謝：Suki@國際康體專業學院
赤手空拳低難度
體操係一種消脂度十足嘅運動，而且更能鍛煉肌肉、耐力、柔軟度和意志力。別以為只適合小朋友，其實只要揀啱動作和有專業教練指導，大人一樣啱玩。但切忌操之過急，要先做好動作才慢慢增加難度。
大字馬收腳
優點：可拉開大腿筋，對通淋巴和去下身水腫十分有效。
鍛煉部位：手臂、大腿、臀部
次數：重複動作5次。
指天拉側腰
優點：可鍛煉平日較少郁動嘅側腰，對重塑腰線效果顯著。
鍛煉部位：側腰、大腿
次數：左右兩邊各做2組，每組10次。
1.右腳跪下，左腳伸直支撐身體，右手伸直指天，吸氣。
2.呼氣，腰部向左彎下，千萬不可摺腹。
娜姐式大V減腿
優點：這動作可增加腿部柔軟度和整體平衡力。
鍛煉部位：收腹、瘦腿
Tips：腰背及膝蓋要挺直，雙腳打開距離不用太大。
次數：重複3次，每次維持動作15秒。
絲帶舞收全身
想玩姿態優雅宜人嘅體操，Jolin耍家嘅絲帶舞當然係首選。要跳絲帶舞首先要有絲帶，唔想花錢買，可自製絲帶棒，再學埋3種基本步法，勤加練習，咁Jolin分分鐘都唔係你對手！
絲帶棒DIY
材料：
木筷子1對
絲帶2碼
顏色粗膠紙
做法
道具輔助練協調
女仔玩咩都要靚，運用輕身器械嘅藝術體操就啱晒佢哋口味。正式比賽有5種器械，分別為球、圈、繩、棒及絲帶，配合音樂混和舞步一起進行，趣味性很高，且能改善坐立姿勢、提高柔軟度及整體協調力。
入門3招 要舞得靚，首先要學會以下3種基本動作：
畫大圈
大圈要畫得又大又靚，整隻手臂都得用力，手勢好似打羽毛球一樣，要在畫圈時用前臂力往上剔。
畫螺旋
手肘往上手腕向下垂，收緊上臂用手腕力不停打轉，畫出小螺旋。若要畫大螺旋，需鎖緊肩胛骨，前臂180°打轉。
畫蛇仔
畫蛇仔可分為左右和上下，需要鎖緊肩胛骨，用手臂及手腕力上下擺動，便能輕易畫出蛇紋。
一字馬畫大圈
鍛煉部位：強化手臂、健胸收腹拉鬆大腿，改善寒背。
次數：重複畫2組，每組30次。
金雞獨立畫蛇仔
鍛煉部位：強化手臂及下肢，拉開大腿內側筋脈。
次數：左右兩邊各重複畫3組，每組畫8次。
瞓身畫大圈
鍛煉部位：收側腰、強化手臂，收緊腿部線條。
次數：左右每邊重複畫3組，每組10次。
玩波仔
除咗絲帶，波波亦是藝術體操常見道具，同樣都要求高柔軟度，而且還能表現調皮感。
扮海狗收腹
鍛煉部位：健胸收腹瘦大腿，更因可利用圓球填滿頭和雙腳之間的隙縫，適合柔軟度不足的人練習。
次數：重複動作5次。
單手燕式平衡
鍛煉部位：可鍛煉下肢及平衡力。
次數：左右各做2組，每組10次。
