昨日一眾《高朋滿座》演員包括鄭丹瑞、伍詠薇等到樂富中心出席「全港度度血壓大行動」，日前因為發生了歌手官恩娜在台上被男fans強吻事件，無綫昨日安排了五位保安維持秩序，而當一眾女藝人下台往觀眾席為市民量血壓時，商場保安和無綫的保安人員即築起人牆，保護一眾女藝人。
因病缺席
早前有報道指伍詠薇與同劇演員苑瓊丹不和，苑瓊丹昨日因病缺席活動，伍姑娘即時笑言：「苑仔擺明驚咗我啦，佢今次唔嚟又輸咗畀我啦。」
事後伍詠薇指有關報道十分可笑，因為圈中很多人都知她和苑瓊丹是非常要好的朋友。
伍詠薇說：「我睇到苑仔回應呢件事之後，我覺得好感動，因為佢話有人咁寫佢嘅好朋友，令佢好唔開心，我同苑仔一樣都當對方係屋企人一樣咁親，所以我哋都係一笑置之。同埋我哋兩個都講笑話終於有得上封面，不過我希望係啲大啲嘅雜誌囉。」伍詠薇又笑言揑造今次不和新聞的記者沒有做足準備。
採訪、攝影：李珮洳