睇死蘇格蘭「斷纜」<br>

睇死蘇格蘭「斷纜」

烏克蘭都算勁旅?當然,話晒係今屆世界盃8強之一。表面上隊波近期好似跟隨車路士前鋒舒夫真高一齊跌watt,實情係後防有問題,進攻仍然有番咁上下,單係睇前日對意大利,控球時間及實際埋門威脅都多過對手,就證明威力猶在。「軍刀」因為發高燒錯過上仗對意大利場波,斷估事隔多日咩燒都退晒,可以復出領軍,對攻力同士氣都有幫助。

「軍刀」復出振士氣

前日英倫三島球隊以蘇格蘭最威,計近況比烏克蘭更似一支強隊。話雖如此,蘇格蘭條防線由戴利、派士利、格拉咸阿歷山大同埋華亞幾件老兵鎮守,個個都三張過外,禮拜三出征基輔,都咪話唔牙煙。打死都唔信蘇格蘭仲唔「斷纜」!

周三賽程
烏克蘭VS蘇格蘭

開賽時間:香港時間周四1:00am
直播:/