呢排可能太多嘢做，生活好似枯燥乏味》_《，點知噚日經過文化中心，俾我見到雨果原著小說《孤星淚》會喺今個聖誕12月23號至元旦，喺文化中心劇場重演，即刻人都生猛晒！^^
上年中英劇團首演，12場演出都爆滿，即使加咗企位都買唔到飛！佢哋以簡約獨特嘅表現手法，帶領觀眾走入雨果筆下嘅革命年代，體會人生真、善、美，實在係聖誕必睇嘅溫情劇！
有去年嘅慘痛經歷，我決定即刻撲飛，但係原來要等到下個月，喺城市電腦售票處先有飛買，票價分為200元、160元及120元，而且仲有多種折扣優惠，可以上www.chungying.com或者打27349009了解詳情。
諗諗吓，不如返公司問下雄雄同唔同我去先！:p
逄周一至周四刊出