美國華裔精英組織百人會噚日公布，收咗八個新會員入會，包括有份參與籌劃香港廸士尼樂園嘅廸士尼亞太開發副總裁趙永濤（圖）。今年農曆年香港廸士尼大混亂過後，趙永濤都有份參加董事會會議，同唐唐等特區政府代表商討對策。不過，八方聽講其實自從香港廸士尼開幕之後，趙永濤都較少參與呢邊嘅嘢，唔知係咪忙緊喺上海搞廸士尼樂園呢？ 除咗趙永濤，另一個百人會新會員早排亦嚟過香港，就係上個月親身到香港幾間大學為公司揀蟀嘅Google副總裁兼Google中國公司總裁李開復。