公共廣播檢討呢排鬧到熱烘烘，噚日《城市論壇》討論呢個題目，除咗牽動一班維園阿伯嘅情緒，個個爭住喺場外叫囂，台上嘉賓亦來一番唇槍舌劍。香港電台請嚟沉咗一排嘅「王小二」王紹爾做反派，立刻成為眾矢之的。
王小二搞咗個乜鬼民間關注公共廣播服務機構政策小組，仲自己做埋召集人。聽個名以為佢有乜獨到見解，結果噚日一開波又係大發謬論，猛話將來嘅公共廣播機構一定要做政府喉舌，事關香港已經有好多份報紙，新聞自由夠晒，點可以再多一個媒體對抗政府之類云云，聽到其他嘉賓胡恩威、羅沃啓同埋戴健文當堂流晒汗，群起狂插王小二嘅歪理。
八方慶幸政府冇搵王小二加入檢討委員會，唔係真係大頭佛一個。