討論區上投訴食肆的留言多不勝數，但近期「二手論壇」一宗有關旺角某日本餐廳的個案，則實在太過經典。首先，所有日本餐廳的侍應都會以日語歡迎幫襯的客人:「irasshaimase。」但該日本餐廳的職員咬字卻太不像樣了，竟然讀成：「一二三四。」
投訴人「我係」說：「我見到有一樣嘢叫檸檬雜飲，未飲過，於是就問個waiter，個waiter居然咁答：『檸檬雜飲？我都唔知乜嚟㗎，檸檬雜飲就係檸檬雜飲囉！』」其後的對答更加爆笑：「仲有一個叫做本店推介，佢張餐紙就叫『燒雞三兄嫂』，我朋友問：『咩叫做燒雞三兄嫂？』waiter答：『係三兄弟呀！』我話：『你明明寫住三兄嫂㗎噃？』waiter答：『𠵱家法例唔畀打錯字呀？』」
該餐廳不只服務有問題，連食物質素也很差勁。投訴人點了一杯綠茶，發現綠茶內有紫菜，「搞到杯茶個味好怪，仲一啲都唔清嘅！」難怪網友說：「我真係未去過一間差得咁緊要嘅日本餐廳。」