最近有網友在討論區上指某間美容院嘅呃錢實錄，啲個案睇落都幾好笑，但其實你同我分分鐘都會有呢啲經驗。因為女人愛靚可以愛到完全迷失理智，就算懷疑都仍抱有一絲希望。例如居然相信唔使開刀就可以隆鼻同增高，仲白白畀咗5萬幾蚊；又或者齋用藥貼和部唔知乜鬼機就可以整雙眼皮；因為淨做柔眉而唔肯畀多$5,000做植毛，搞到條眉被人亂柔；用1萬蚊做背脊去印療程，去唔到印仲要俾人屈多$5,000等事例，大家應引以為鑑。其實無良嘅美容中心，呃人手法通常都係搵個美容師不斷指出受害者問題，再加以誇大後果，以恐嚇方式使受害者（客人）就範。所以以後大家去美容院joincourse，都應注意以下幾點：
1.不應輕信廣告，因為多廣告多分店並不代表效果好。
2.選市面上較具規模嘅美容院，要追討時較容易得到賠償。
3.Joincourse前認清自己的皮膚狀態和問題，避免受騙。
4.若知自制能力不足，就不要帶信用卡上美容院。
5.若想試做療程，可與朋友同行，拿到足夠資料後再仔細考慮需要。
6.坊間很多美容院皆有優惠試做價，可先用較平價錢睇睇效果後再作決定。
http://www.uwants.com/viewthread.php?tid=2636104&extra=page%3D1