已有多久沒有試過在幾乎全院滿座的戲院內看港產片。未開場，戲院內的氣氛已很熱鬧，因為有很多小朋友，正忙着大啖大啖食爆穀與大啖大啖啜汽水。跟身旁的觀眾打個照面，「咦？」，原來是張堅庭導演一家大細捧場，學張導演話齋：「約都冇咁蹺！」已有多久沒有一齣如此靠得住、信得過的港產片，讓家長們放心地帶埋小朋友入場，一家人開開心心，共渡100分鐘看廣東話電影的真樂趣，這將會成為小朋友們將來的回憶，記得老豆曾跟自己在戲院內看港產片。
配了廣東話的荷李活卡通不計在內，已有多久沒有一齣廣東話片能令全院男女老幼觀眾開懷大笑，小朋友笑得咭咭響，女觀眾們則一邊笑一邊說：「好得意呀，好得意呀個BB！」出奇地在電影進行了一半之後，許多男觀眾亦加入了行列，一邊笑一邊說：「好得意呀，好得意呀個BB！」相信繼吳君如都生BB之後，《寶貝計劃》給予了年青夫婦一個更好的理由去生BB，曾特首鼓勵香港人多生BB，好應該頒番個勳章畀陳木勝導演、成龍大哥同埋陳自強先生，曾特首講一百句唔夠觀眾睇一次《寶貝計劃》咁有效。
已有多久沒有一齣港產片如此照顧觀眾，近年出現了很多拍畀演員睇、拍畀影展睇或拍畀導演自己睇的港產片，《寶貝計劃》百分百是拍畀觀眾睇的港產片，每吋菲林都可看見台前幕後絞盡腦汁娛樂觀眾。
已有多久沒有聽過大家對一齣港產片口碑一致話好睇，《寶貝計劃》做到了這一點，好睇。