前日新浪網報道嚴淑明喺10月3日晚上，喺廣州被綁架四個鐘，當時佢同內地經理人玉婷喺廣州滔金路一間餐廳食飯，離開時突然有三名男子出現，強行將佢擄走，埋緊單嘅玉婷目擊事情發生，但阻止唔切，只好報公安，4小時後先接到嚴淑明話自己平安返家嘅電話，事後玉婷仲喺自己個blog（ http://yanshuming.blog.sohu.com）度寫出事發經過。
對此，身在香港嘅嚴淑明噚日透過台灣經理人Bruce先否認，後來又話有發生過，仲話：「消失那段時間，我被黑道大哥『請』去唱卡拉OK，沒被打，也沒被吃豆腐。」由於前言不對後語，最近出美容書嘅嚴淑明被懷疑炒作新聞，但佢話：「不可能，只是誤會一場」。