一名身穿黑T恤的中年色魔近日在旺角行人專區犯案，當街以精液射向女途人臀部。受害少女被嚇到「連街都唔想出」，但沒有報警。據說該色魔可能並非首次犯案，律師表示，這種行為已構成非禮罪，可判監十年。
「東京布丁」數日前在旺角行人專區被色魔偷襲：「去到百xx嗰度左右，突然有一個男人打橫咁行過嚟（平常係啲人面對面咁行過），咁我行緊街都冇留意佢。但係喺佢行過我身後嗰陣，我feel到有啲熱嘢倒咗喺我條短褲後面，我以為有人無聊倒熱水啦，但係我伸手一摸，係一啲白白哋色黐𣲷𣲷嘅嘢。」
受辱少女當街痛哭
她在「二手論壇」留言哭訴，記得犯案男子身穿黑T恤，中年：「我妹妹買咗包tissue畀我，我真係忍唔住喊咗出嚟。」她沒有報警，但至今猶有餘悸：「我連街都唔想出，我唔想再有啲咁嘅事發生，希望咁多位女users一定要小心啊。」
網友都替「東京布丁」不值，「楓」說：「嘩！咁唔好彩嘅你，下次你要帶定把鉸剪出街先得喇。」
律師梁永鏗說，該色魔雖然與受害人沒有身體接觸，但已構成非禮罪，即《刑事罪行條例》中的「猥褻侵犯」罪名，可處監禁十年。