想享受一趟愉快空中旅程，原來有秘訣。曾乘坐「惡晒航空」（CafePatheticAirways）的網民最近推出指南，提示幫襯「惡晒」的乘客應如何與空中服務員相處，才能享受愉快旅途。指南相當詳細，無非都是論盡「惡晒」航空服務員的服務態度。
「完全惡晒手冊」一共有20點注意事項，還另設6項點餐技巧，用心良苦。注意事項主要都是提示乘客如何「服侍」空姐，首先：「唔好叫停路過嘅空中小姐要求服務，因為佢哋唔鍾意行行吓俾人截停，永遠唔能夠一口氣由機頭行到機尾（orviceversa），佢哋唔會appreciate（欣賞）。」
「尤其對香港人極差」
作者「flightlevel_370」在每點注意事項後都會解釋原因，但是否真有其事，則無法證實。例如第11點提到：「（用餐後）收完嘢，唔好要空中小姐做嘢，佢哋好唔得閒，要壓縮垃圾，又要自己開餐，爭食頭等商務艙食唔晒嘅高級嘢。」手冊擺明是控訴空姐的服務態度，網友「幪面超人」大表認同：「我搭過一次，都已經feel到晒你所講嘅嘢，尤其係對中國人同香港人，極差的。」網友「comb」則有異議：「又唔好講到啲crew（航空服務員）好似咁衰咁樣。」
「flightlevel_370」鄭重聲明：「我們不應因為國泰航空屢獲國際獎項而自豪或自滿，反而作為形象上代表香港人的航空公司，我們更應該正視國泰航空在管理、服務及安全水平上的不足，盡一份綿力，鞭策他們能夠做到勝不驕敗不餒，謙遜的接納意見，加一把勁。」