西貢區議員邱志雲直指運輸署改道計劃不利村民。「如果按照政府新行車路線，救護車由觀塘聯合醫院出發，要行多5公里路由寶琳路接翠琳路上山先到澳頭村；如果佢話改由將軍澳醫院開出嘅救護車去澳頭村提供救援，係就係會快啲，但係呢間醫院𠵱家提供嘅服務已經飽和，區議會正傾緊要擴展醫院（資源），試問院方點能夠配合到新路線嘅安排呢？」
邱志雲表示，有300多年歷史的澳頭村現約有200多人居住，人口正不斷增加，當局理應就翠琳路行車方向調整一事，諮詢村民意見，「呢個建議最受影響係澳頭村村民，政府完全冇知會佢哋就想夾硬嚟，係好有問題，佢哋好應該解釋點解要咁做。」