韓星崔智友（左二）除咗樣靚，原來都好有愛心。智友公主早前同圈中好友辛愛羅（中）去咗當地殘障人士之家，同中心入面嘅小朋友大玩遊戲，而佢仲將相片放上個人網站度公諸同好，睇見小妹妹幾咁享受被崔智友紮頭髮，就知當日有個快樂嘅晏晝。講開韓國女星，當地娛樂網站噚日披露咗份女星被包身價表，最貴嘅竟然係一年4,000萬港元，不過身價表全部用英文字母代表，就連我哈利仔都估唔到佢講緊邊個。