行姐入廚從良

自從無綫節目《美女廚房》搞到有聲有色後，周圍都有唔少呢類主題嘅活動舉行，好似噚日三位靚女康華、張美妮、陳彥行就出席喺鑽石山舉行嘅「名人廚房大派對」，即場來個廚藝大比拼。康華不知幾有信心，仲話自從上過《美女廚房》之後，對煮嘢食嘅興趣大增，𠵱家仲周不時下廚咁話喎，行姐就話要搵另一半，激發佢心入面賢良淑德嘅性格出來，等佢煮嘢食會叻啲。