胡杏兒擔正主演的台慶劇《肥田囍事》，本月23日便會正式重量級登場，為配合劇中的肥妹仔角色，她在半年內如玩魔術般由瘦變肥再變瘦，先暴增42磅肥肉驟變36C波霸，再於短短一個月內踢走近20磅脂肪，上月底她終可再次穿上曾因發福而被她迫爆的吊帶晚裝，意外的是收身後其胸部竟「有得留低」，力保Bcup上圍。
將於下月踏入27歲的胡杏兒，今年5月為準備演出由她孭飛的台慶劇《肥田囍事》，不惜狂谷42磅肥肉來演繹劇中的港版BJ角色，由原來的110磅苗條淑女，驟變152磅的圓咕碌cutie肥妹，但為了配合早前拍攝的一場發夢變瘦戲份，她在節食、做運動兼接受纖體療程三管齊下，不足一個月時間便火速消脂約20磅。
曾經嚇人
肥肉迫爆晚裝鈕扣
杏兒身高5呎7吋，原來的三圍數字為32.5A、23、33.5，搖身一變成為肥杏後三圍驚變36C、35.5、40。今年6月上旬她接受本報訪問時，穿上一襲年初出席賀年活動時穿着的粉紅色吊帶晚裝拍照，但卻只能扣上胸前一顆鈕扣，其他鈕扣全被肥肉迫爆，裙頭也近乎被迫裂，她發現肥膏如此「猖獗」，也全程無奈苦笑。
不過肥杏鬥志驚人，日前勁減20磅的她再次穿上該襲粉紅戰衣，不但沒有任何迫爆問題，現場所見，明顯消瘦的她胸部仍然豐滿，比起增肥前的Acup上圍足足升了一個cup，現時的上圍為34B，認真厲害。其後她又穿上年前出席「壹電視大獎頒獎典禮」時曾穿的低胸黑花裙，身材同樣可觀。
均衡營養
「我有信心弗過以前」
杏兒日前在鯉景灣接受本報記者訪問時，提到增肥後榮升波霸一族，她笑說：「係背肌啫，我係肥咗兩個cup，幾好笑，突然有嘢睇。」問她會否懷念做波霸的日子，她說：「都會㗎，最緊要都係均勻，但𠵱家瘦咗都仲喺度（指胸部）。」
談及其減肥過程時，杏兒即大方公開減肥餐單，並補充說：「要注意均衡營養，做機、做運動，慢慢會健康番，醫生都話我健康OK嘅。其實我一路唔敢諗要瘦幾多，唔想畀太大壓力自己，我有信心弗過以前，以前係瘦，但體形唔係好靚，做機後仲有番條腰，個人輕咗好多，我𠵱家都瘦咗差唔多20磅，我冇乜偷食習慣，唔會忍唔到口。」
保平常心
「如果攞到獎仲開心」
今次杏兒為拍劇自殘身軀，暴肥又暴瘦，犧牲甚大，問她會否覺得贏硬台慶頒獎禮的最佳女主角獎時，她即說：「我唔會咁諗，唔諗太多，如果攞到獎仲開心，好似尋寶咁。況且劇都未播，點都好啦，到呢一刻，啲人對《肥田》都幾鍾意，已經好開心啦。」
採訪：朱倬誼
攝影：陳偉權
場地：timecafe
