名模陳沛嘉和蕭定一旗下新人石詠莉（Sukie）等，前晚在中環ClubNo.9示範人體彩繪，兩人穿上時裝設計師RaneeK.的服裝，在手臂、背部繪上花朵、蝴蝶等，色彩繽紛，但與平時的外國模特兒全裸貼乳貼或穿tubetop的性感程度相比，卻大為失色。
陳沛嘉事後表示不介意貼乳貼上陣，她說：「主要視乎情況啦，我就算露都係三點不露，貼咗nipple（乳頭）位再畫都冇所謂。我男朋友最鍾意我對腳，覺得性感啲，我想喺對腳度畫彩繪嚟引誘佢，哈哈！」
攬仔怪叫
此外，蕭定一帶着新人石詠莉介紹予來賓認識，其間遇上陳道然（前名陳淑蘭），她即時怪叫：「我要同你影相！」隨即挽着蕭定一，又拉開他衣服胸口位置拍照，男方伸脷回應，兩人玩作一團，令人側目。
採訪：GeneNg
攝影：ChanShunChing
