鄭嘉穎、周麗淇（Niki）、黃宗澤及唐詩詠等一班新劇《最美麗的第七天》演員，昨日到將軍澳電視廣播城試造型。《最》劇由《天幕下的戀人》原班人馬拍攝，第三度合作的鄭嘉穎和Niki表示不怕再傳緋聞，鄭嘉穎說：「同Niki第三次合作，都駕輕就熟，所以唔驚會再傳緋聞，因為已經冇新鮮感。」
黃宗澤拒談舊愛
Niki之前跟鄭伊健傳過緋聞，如今伊健已覓得女友蒙嘉慧，那鄭嘉穎可否乘虛而入？他說：「唔可以人有我有，順其自然！」問Niki可有感到甩難？她笑說：「冇話甩唔甩難，身為朋友我幫佢守口如瓶，之後佢就要幫我守口如瓶。」
黃宗澤前度女友甄穎珊落選亞姐後試鏡成功，正式加入亞視，隨即被安排拍劇，問黃宗澤對舊愛有何意見？他說：「冇意見，好耐冇聯絡。」可知對方想入行？他說：「唔知喎！唔清楚。」所有問題都不願回應，是不是想和對方劃清界線？他卻反問記者說：「點解？」
採訪：楊潔雯 攝影：陳俊強
