楊采妮（Charlie）、陳嘉容和羅霖昨日到銅鑼灣出席水晶活動，三位靚女獲大會送贈海龜水晶擺設，Charlie一見贈品即滿心歡喜，上台時更險些兒走光，她說：「我一向都好鍾意海洋生物，屋企收藏咗成30幾件水晶動物。」Charlie表示早前與家人到馬來西亞一小島看海龜生蛋，她憶述說：「海龜仔出世之後，要等30年先會去番出世嘅地方生蛋，當見到一大班海龜仔一齊爬落海嘅時候，感覺好宏偉。」
羅霖收藏水晶
Charlie好友梁詠琪（GiGi）承認有新戀情，透露是朋友介紹，問Charlie是否那媒人？她否認說：「我有同GiGi通電話，但係冇見面，佢同任何女仔都一樣，希望有正常戀愛，遇到好男人，佢會好專一，希望佢可以順利發展。」
此外，羅霖表示家中收藏了不少水晶飾物，還有一個櫃專放水晶，她說：「我做空姐嘅時候，喺唔同地方買番嚟香港，全部都係我嘅珍藏。」
採訪、攝影：陳慧安
