李彩華（Rain）前晚與過氣緋聞男友丁子高同場碰頭，兩人大方合照，但Rain舊事重提，指對方前女友Zoie在自己牛一當天向傳媒哭訴男友被搶事件，氣得她要拿Zoie的相片攝太歲。至於丁子高早前被攝得與傅明憲在日本拖手的親熱照，既有新緋聞纏身，他也懶理舊是非，只強調與傅明憲並不相熟。
三位是非人物：李彩華、丁子高及王秀琳前晚不約而同到香港設計中心出席Coach創立65周年圖片展覽，日益增磅的韓君婷與日漸消瘦的袁潔瑩也有出席。Rain看見曾被指與她爭奪蕭定一的王秀琳時互當透明，但當她與昔日緋聞男友丁子高碰頭時卻大方合照，丁子高說：「佢係真正朋友，同期入行，我當佢小妹妹，幫到嘅我都會幫。」
提起舊情敵火滾
Rain接受訪問，表示早前與丁子高沒聯絡，近日卻做回朋友，她說：「近排friend番，之前係費事佢啲ex（前度女友）走出嚟哭訴。」當年Rain與丁子高傳緋聞時，男方另一緋聞女友Zoie（譚凱琪）為此曾公開哭訴感情遭第三者破壞，Rain前晚舊事重提，愈說愈火滾，她說：「早排我執屋睇番啲舊剪報，佢哭訴當日係我生日，真係好黑，咪要避開佢（丁子高）囉。」
只見Rain愈說愈氣，還表示自己倒楣得要去攝太歲祈福，更說：「要攞埋佢（Zoie）張相去攝一攝，拜一拜佢，好邪呀，真係大吉利是，我做乜嘢都唔做丁子高第三者啦，所以嗰陣見佢都兜路走。」雖然與丁子高做回好友，但Rain強調兩人再無發展機會。
韓君婷拒姊弟戀
緋聞女友多多的丁子高，除了曾糾纏於Rain與Zoie之間外，早前更被本報拍下與傅明憲在東京蒲吧的親熱照，前晚他被問到覺得傅明憲的手滑不滑時，笑說：「我哋喺酒吧一齊坐都唔超過30分鐘，俾人影相時咁啱佢俾人撞一撞，我先扶佢咋。」他表示與對方不熟，為了避嫌，故前晚也沒有邀請對方到場。
被指因有新戀情致心廣體胖的韓君婷前晚也有到場，似乎心情不俗，她說：「我𠵱家肥番，但都比正常體重偏低。」
談到早前韓君婷被本報拍得拖型男浪漫同遊日本南青山時，她則說：「佢係朋友嘅細佬，當日佢阿哥冇去日本，我先照顧住佢，佢細過我㗎，就算思想成熟我都唔會考慮。」
採訪、攝影：藍文浩
