名流闊太追求生活品味，紛紛拜師星級名廚學藝，廚藝已自成一家的公開大學校長梁智仁太太梁許安璞，30年來不斷追隨名師鑽研各國佳餚，要有超凡手藝，梁太秘訣是屢敗屢試，「煮每道菜都試做十幾廿次，煮到滿意為止。」
曾到梁家作客的人對梁太廚藝讚不絕口，梁太有此成就，全因多年來不惜工本，遍訪名師，連半島酒店前總廚PeterHatt也是其師傅。她說:「30年前第一次跟名廚李煜衡師傅學煮餸，當時畀5,000蚊請佢示範煮一圍菜，講明要毫無保留，我喺旁邊偷師，佢𠵱家同我亦師亦友，仲經常研究點樣煮嘢食。」
珍藏600本烹飪書
梁太談學廚心得︰「我係完美主義者，每道菜都煮十幾廿次，煮到滿意為止。以蘿蔔糕為例，我每次落唔同水份，將唔同效果記低；煮豬肉我就試豬嘅唔同部份，做牛扒就試勻來自日本、澳洲等唔同國家嘅牛肉，仲用唔同火候煮，總之要做到最色香味美為止。」
自言天生愛下廚的梁太，珍藏了600多本烹飪書籍，對有「廚王之王」稱譽的法國名廚Auguste Escoffier撰寫的烹飪聖經更是愛不釋手，她對廚具、餐具要求也很高，廚櫃收藏了幾十套精美餐具，她愛入廚，更愛與親友分享成果，她正整理多年心得編成食譜稍後公諸同好。
本報記者