恒指距18000點僅屬咫尺，臨兵鬥者，重大陣線之前好淡雙方死命拉鋸實屬必然。有些散戶或感奇怪，為甚麼大市從今年6月中開始狂升至此，累計升幅超過2700點，點解好友尚未肯收手？點解一定要挾破18000點才甘休？
何妨冷靜思考一下？現今市場上衍生工具花樣百出，某隻股份或指數的升跌，背後牽連的因素再非傳統上一買一賣般單純；散戶炒股，眼界多數放在手上那一堆股票，未必有意識環顧全局。近期陸續有熊證「打靶」，至今已達8隻，恒指若升越18000點，又會多一隻熊證要和股友講byebye！局面如此一面倒，有幾多散戶留心？
反而星俠正研究大市一路勁升，究竟和牛熊證的「存廢」有多大關係？或有股友以為星俠很無聊，甚至以「梗係有關係喇！懵仔。」來暗諷我。但我只知人在股海，自己必須不斷思考市場上的趨勢和留意每一樣變化。
唔通想抽水?
地產股似有接力之勢，其中新世界（017）連日出現大成交並升破14元，走勢十分討好，似乎是炒業績，若撇除新會計準則，預測新世界06年度純利應會倒退；但股價表現如此精壯，莫非有「春江鴨」洞悉其業績不壞？不過星俠思考的是，近期不少上市公司都「抽水」，新世界公布業績後，又會否來這一套？
方星俠