麥浚龍（Juno）噚日喺商台做訪問，佢話前晚凌晨時分接到個男人打電話嚟，對方不斷向佢發出呻吟聲；Juno「喂」咗一聲之後，跟着對方就同佢講對唔住，搞到佢好鬼尷尬。Juno話今次係佢第一次俾同性性騷擾。工作方面，Juno話佢即將推出新碟，傾緊喺日本發行，可能遲啲會簽個日本經理人喺當地發展，如果成事嘅話仲分分鐘喺日本置業㖭！