周六主打歐洲國家盃賽事，部份列強對住一啲魚腩部隊，亞洲盤讓球往往多達兩球半、三球半，呢啲強弱懸殊賽事，並不是小弟喜歡的出擊場次，所以今日推介比較均勢嘅賽事。
先講威爾斯主場對斯洛伐克，威爾斯有傑斯、比拿美呢啲喺英超搵食球員在陣，往往令球迷充滿憧憬，莊家亦刻意壓低佢哋嘅賠率。其實，計球隊整體實力，真係可能連英格蘭B隊都不如。威爾斯仍然處於青黃不接階段，未來支柱應該落在利物浦前鋒比拿美身上，不過佢喺球會表現認真麻麻，而且脾氣一向甚臭，國家隊未必服到眾。
斯洛伐克差啲打入世界盃決賽周，穩健踢法，入佢波真係唔易；上次主場輸畀「兄弟波」捷克，不過作客都贏過法國，平手盤寧願支持斯洛伐克。
挪威受讓必捧
希臘主場對挪威，又係另一場較具均勢嘅賽事；希臘話就話係衞冕冠軍，不過有幾多斤両大家心知肚明，贏一次冠軍只係好彩，今屆世界盃連決賽周都入唔到，證明佢哋已經俾對手睇通晒，難再偷雞。
挪威總算係谷底反彈中，中場摩頓柏達臣領軍，前鋒一對老鬼艾法臣同蘇斯克查，又好醒神。希臘喺立博開出亞洲盤讓平/半高水，國家隊賽事中，主場少讓絕非好兆頭，證明莊家對主隊贏波信心不高。挪威受讓平/半，下盤係必然之選。
（9月賺蝕:+5%）
謝利
立博亞洲區首席博彩顧問
電郵：[email protected]