港姐冠軍陳茵媺（左）同劉家聰噚日中秋節化身做嫦娥同后羿，現身中環宣傳明珠台推出嘅新劇。早前有雜誌報道指肥姐沈殿霞因為之前主持《兒歌金曲頒獎典禮》同《星光熠熠耀保良》要夥拍新丁陳茵媺，搞到壓力大增，加速病情惡化。噚日陳茵媺就話同肥姐合作期間獲對方多次提點，仲話：「肥姐有提我要講嘢大聲啲同埋點走位，因為我把聲唔入咪。當時覺得佢面色好好，好精神。」