周渝民（左）同大S徐熙媛（右）拍拖以嚟多次傳出婚訊。噚晚係大S30歲生日，又係中秋節，有傳仔仔會趁機求婚。佢本來喺香港拍緊新戲《蝴蝶飛》，都特登請假返台灣，噚晚先去徐家同徐媽媽過節，之後再同大S手拖手去食法國菜。被問到係咪求咗婚，大S話冇，徐媽媽就喺電話度話：「沒有，今年不可能呀。」至於大S嘅經理人王偉忠就話：「誰要嫁人？我都不反對！」