下星期二除咗係雙十節外，仲係已故巨星梅艷芳嘅43歲冥壽，往年佢啲徒弟同大哥梅啓明都會去省善真堂同寶蓮寺拜祭，今年梅艷芳國際歌迷會就決定大搞，首先去省善真堂致祭，夜晚再喺尖沙嘴九龍酒店舉行「珍惜聚會時'06」歌迷聚會，同場仲有個叫「梅艷芳四海一心慈善基金」嘅慈善晚會活動，請咗楊千嬅、鄧麗欣同蘇玉華做嘉賓，懷念阿梅之餘又可以做善事，延續佢生前樂善好施嘅精神。