吳日言最近再度獲邀擔任一服裝品牌嘅創作總監，聽講話因為佢設計嘅衫都好受歡迎，就連日本公司都對佢嘅品牌感興趣。得到公司重用，難怪吳日言早前拍廣告嗰陣即使再辛苦都毫無怨言，佢話：「室內環境已經好熱，加上着住啲冬天衫，設計師又幫我訂造咗三呎長嘅假髮，熱到我內衣都濕埋。」