日本型男鈴木仁將於下月初接拍新片，該片改編自日本著名暴力漫畫《軍鷄》，近日他已積極keepfit，還不諱言喜歡故事中那個以暴易暴的男主角。來港三年，鈴木仁有時也會感到寂寞，會夢見自己的家人，不過他揚言目前要以工作為先，故沒有時間拍拖搵女朋友。
每逢佳節倍思親，日本型男鈴木仁來港發展三年，今年中秋更是思鄉情切，他以廣東話說：「一個人喺香港工作，有時好寂寞，所以特別想見屋企人，𠵱家搞到有思鄉病，晚晚發夢夢見家人，有時好想去探佢哋。」寂寞難耐，鈴木仁可有打算找個女友慰寂寥？他說：「冇時間拍拖，我冇女朋友，事業比較緊要！」
望返日本發展
鈴木仁曾參演電影《新紮師妹3》和《男才女貌》，下月初他將接拍由鄭保瑞執導的另一新片，故事改編自日本著名暴力漫畫《軍鷄》，講述主角成琼亮因為殺死親生父母而入獄，繼而墮進以暴易暴的格鬥世界，而余文樂早前也表示會參演此片。
因初次接拍動作電影，鈴木仁近日除翻看原著了解角色及故事內容外，還努力keepfit，希望以最佳狀態示人。問他會飾演書中哪個角色時，他表示暫時要保密，但坦言最喜歡超暴力的男主角。鈴木仁說：「功夫我就唔識，以前讀書都學過少少柔道。打功夫成龍就好勁，我都崇拜佢嘅功夫，但最鍾意係偶像松田優作，佢好靚仔又有型，可惜佢已經死咗。我都有計劃過，將來有機會返日本藝能界發展，又或者做同時裝有關嘅行業。」
從行天橋到踏足大銀幕，鈴木仁表示一切都很順利，最開心是做到自己喜歡的事。談到早前與Shine成員徐天佑在夜店發生衝突一事，鈴木仁大方地說：「上次件事冇所謂，唔介意，冇因為咁而令我蒙上陰影。」提到近日他被男性網友大特寫其下體的片段，還將之放上YouTube，鈴木仁感慨地說：「冇所謂，諗番俾人影都覺得有少少核突，我唔介意人哋『基』，其實我都有朋友係，總之我唔係啦！」
採訪：吳天慧
攝影：林德雄
服裝：Converse
場地：港威商場Converse概念店
