金牌唱片前晚罕有地為明年初約滿的古巨基舉行盛大續約儀式，除了人工增加10倍、以千萬酬勞重金續約外，基仔還獲黃柏高贈送黃金寶劍，即將進軍電影界的他表示最想跟新婚的張栢芝演對手戲。
古巨基和楊千嬅分別於年底及明年初約滿金牌唱片，有傳千嬅已決定不續約，金牌前晚特別花費六位數字金錢為基仔舉行盛大續約儀式，鄭東漢和黃柏高均有出席，還邀請各大電子傳媒高層撐場，而樂壇猛人雷頌德、林夕和側田也有到賀，似向千嬅示威。
人工增加10倍
基仔以一身總值5萬元的YSL禮服出場，獲黃柏高送上黃金寶劍，寓意為他開拓黃金版圖，又頒發白金唱片給他，以賀其新碟《我生Human》剛推出便取得不俗成績，及後二人又拿着大圖章在螢幕上蓋印，續約儀式才告完成。
據悉基仔今次續約金牌，酬勞有千萬，問基仔是否被銀彈攻勢打動？他笑說：「冇銀彈，皮蛋就有幾隻，其實有人工加，比上次加咗10倍呀，不過我積穀防飢，唔會亂使。」問他是否要儲老婆本？他說：「係，遲啲同Paco（黃柏高）結婚。」至於獲贈寶劍，基仔說：「可能公司對我有信心，其實我出年年初先滿約，但Paco一早搵我傾，我都一口應承，雖然有其他公司搵我，但我未見對方已經拒絕，因為我個心一路想繼續同Paco合作。」
談到黃柏高下年為他舉行演唱會，問基仔會否超越上次11場紀錄？他說：「上次反應好唔係來自場數，係來自口碑，所以開騷壓力來自口碑。多謝Paco三年前好有信心咁拉我返樂壇，佢話未來我會有更多發展空間，尤其喺電影上，我希望遇到好劇本。」
最想夥拍栢芝
有否信心憑拍戲得獎？基仔說：「冇諗咁長遠，係都希望票房成績好先啦，我諗住拍愛情片。」問基仔最想跟誰演對手？他說：「張栢芝，我好欣賞佢拍內心戲。」有指栢芝嫁人後打算退休，基仔說：「係咩？如果有好劇本，希望佢為興趣拍啦。」
另一方面，黃柏高被問到金牌歌手全體缺席無綫的《翡翠歌星賀台慶》，他說：「內地有贊助商話要搞金牌之夜，當然所有歌手去晒，我哋一早同無綫講咗，冇問題嘅。」
採訪、攝影：胡比
