日前有雜誌拍得袁彩雲與陳慧琳（Kelly）男友劉建浩（Alex）在日本秘密相會的照片，原來同行還有一名男子，據悉他其實就是袁彩雲的新男友。前晚事件中兩位女主角分別現身電視城，Kelly強調絕對信任男友，又表示這宗緋聞只屬「流料」，更為男友和袁彩雲叫屈；袁彩雲就解釋Alex是友人的朋友而已。
陳慧琳（Kelly)、黃貫中與鄭希怡等前晚在將軍澳電視廣播城錄影《勁歌金曲》，日前有雜誌攝得與陳慧琳拍拖14年的男友劉建浩，與無綫藝員袁彩雲在日本密會的照片，並指他們行藏閃縮。湊巧前晚袁彩雲在電視城錄影另一節目《遊戲天王》，兩位女主角頓成焦點所在。
碰頭不覺尷尬
前晚Kelly在節目上獻唱新歌《一刀兩斷》，事後問她有否在錄影廠內與袁彩雲碰面？她說：「有見到，都有打招呼，不過自己一直喺VIP房。」Kelly表示見到對方也不覺尷尬，並說：「呢單（指袁彩雲與Alex日本私會一事）流料，好流呀，其中一個係男朋友嘅朋友，佢又係袁彩雲嘅朋友，所以覺得係得啖笑。」據悉Kelly口中男友Alex的男性友人，其實正是袁彩雲的新男友。
續問到男朋友Alex可有因此動怒？Kelly就說：「佢冇嬲，只係覺得無辜啫，我知男朋友都識好多圈中人，我好信任我男朋友，男友無辜，彩雲都無辜。」
只曾見面數次
至於袁彩雲前晚也表示與Kelly碰頭不覺尷尬，還說：「啲報道係作出嚟，大家都知Kelly同Alex感情穩定。」
報道指袁彩雲與Alex及一男性友人到銀座蒲吧，之後再送她返酒店，對此袁彩雲說：「我唔識Kelly，亦唔識Alex，只係之前有啲朋友出嚟見過幾次面，今次因為我去日本做嘢，約咗個日本識嘅朋友出嚟，Alex又係佢朋友，佢兩個好有紳士風度咁送我返酒店，送女仔好正常，人哋只係有禮貌。」
此外，前晚鄭希怡在《勁歌金曲》上大唱新歌，本來平平無奇的上圍更突然豐滿，令人嘩然。
採訪：楊潔雯
攝影：陳偉權
