應屆港姐季軍呂慧儀將於下月11日在北京參選國際小姐，下周四（12日）她將到東京集訓兩星期。昨日她在無綫電視城試了兩套服裝，其中一套是小鳳仙裝，港姐冠軍陳茵媺和亞軍周家蔚也有到場支持，更送上相簿讓她存放參選的相片。周家蔚還將之前參選世界小姐的心得與呂慧儀分享，呂慧儀說：「周家蔚提醒我好多嘢，佢叫我自備熨斗同埋帶多幾件衫去，去到嗰邊記住係以結交朋友嘅心態，而且認識吓唔同地方嘅人嘅文化。」
用身體溝通
對於之前參加世界小姐，周家蔚說自己多數是用身體語言跟室友溝通，她說：「因為我係同大溪地小姐同房，佢講法文，又唔係太識英文，本來我都識幾句法文㗎，但係大部份時間都要用身體語言去溝通。」
採訪、攝影：楊潔雯