無綫台慶日子愈來愈接近，一年一度的頒獎禮熱門男女主角一一湧現，本年度「最佳女主角」由熱爆的《肥田囍事》胡杏兒迎戰《鳳凰四重奏》佘詩曼，二人昨日齊出席新劇開鏡禮，被問到是否想攞獎，杏兒笑言入行七年有「七年之癢」，阿佘則表示有信心，等觀眾決定。
無綫今年跟中央電視台合作拍攝的重頭劇《歲月風雲》，出動多位小生、花旦擔綱演出，分別有宣萱、胡杏兒、佘詩曼、馬德鐘、吳卓羲和王敏德等，昨日一班演員在將軍澳電視廣播城開鏡拜神。
戲裏戲外鬥餐死
佘詩曼和胡杏兒首度合作，在劇中是情敵，現實中她們又是台慶「最佳女主角」獎勁敵，問佘詩曼有何看法？她說：「有份選我好開心，不過勁敵唔只我一個，個個都係女主角，個個都有機會，信心一定有，攞唔攞到就唔知，等觀眾決定啦！」
胡杏兒的新劇《肥田囍事》尚未播出已先聲奪人，勇奪「最佳女主角」呼聲最高，她說：「預咗台慶前會有呢啲消息，我同阿佘未合作過，不過一齊出過trip，大家絕對冇心病。其實拍《肥田》已經有好多得着，拍劇唔係為攞獎。」問胡杏兒入行多少年及會否是時候想攞獎，她說：「七年，都好耐，都七年之癢。」
馬德鐘多次被拍到跟不同陌生女子過夜狂歡，他昨日表示沒有所謂，更視為宣傳，他說：「最近《鳳凰四重奏》收視好，希望傳媒一路造勢，維持人氣，咁我今年可以攞『最佳男主角』獎。」
馬德鐘做定禮服
馬德鐘續說：「我諗住禮服都做定，套踢死兔就當奧斯卡咁做，我唔得都睇好佘詩曼，佢攞獎我都可以黐上鏡。」
採訪：楊潔雯
攝影：葉君海
