葉佩雯早前以照顧者大使身份往黃大仙探訪一名癱瘓病人，雖然探訪時間短暫，卻令葉佩雯感觸良多，使她領略到要樂觀面對一切問題，否則只會令問題變得更嚴重，她還希望社會人士多關懷肌肉萎縮症病人及照顧他們的家人。
葉佩雯（Grace）被香港肌健協會委任為照顧者大使，她早前到了黃大仙探訪一個家庭。這個家庭的爸爸是一位癱瘓病人，5年前患肌肉萎縮症，但是到目前為止仍未有根治方法。
好怕愁雲慘霧
當日Grace見到這位病患者時感到十分無奈，因她不知怎去安慰對方，Grace說：「初時我都唔知點算好，因為我好怕一啲愁雲慘霧嘅氣氛，好彩佢哋成家人個個都好樂觀，咁我先至放心。」
及後Grace與病者的21歲女兒傾談，得知她們一家人要24小時輪流照顧患病的父親時說：「原來佢哋每一日要幫爸爸按摩、抽痰、轉身、餵嘢食同埋清潔，最重要係要同爸爸傾偈，佢哋嘅溝通方法就係眼神交流。」
唔會怨天怨地
在短短的探訪過程當中，Grace領略到做人要正面、積極地去面對一切問題，否則只會令問題變得更嚴重，她說：「我見到佢哋成家人個個都好樂觀，雖然屋企有一個病人要照顧，但佢哋唔會怨天怨地，反而成家人開開心心咁去過每一日，我覺得咁樣先係一個正面嘅做法，所以我都要堅強啲去面對所有問題。」
最後Grace希望社會人士會多些關注肌肉萎縮症這個病，因為她覺得除了病人本身需要別人關注之餘，病者的家人都很需要支持。
撰文：李珮洳
