李彩華（Rain）及組合2R前晚到尖沙嘴一卡拉OK出席活動，三女同以牛女打扮亮相，尤以阿Rain最為性感，穿上牛仔背心的她露出小蠻腰，剃了光頭的2R成員Rosanne，前晚則戴上一頭黑色短假髮。
阿Rain自言很久沒有去過卡拉OK，表示最喜歡點《帝女花》及張德蘭的《情義兩心堅》等懷舊金曲，她笑說：「我覺得唱K應該搞吓嘢，如果唔係會好悶。」對於近日有網站上載多位女藝人出席宣傳活動的胸部及下身的短片，身為受害者之一的阿Rain回應說：「佢哋心態係咁，都冇必要糾正，就算你着得幾密實都好，佢哋都會影。我今日都有特登留意現場有冇啲細細部嘅攝錄機。」
2R擺烏龍
問到2R今日中秋節如何度過？她們說：「要做嘢，唔可以同家人一齊過。」後又自爆瘀事：「因為今年有閏七月，我哋記錯咗時間，以為上個月15號係中秋，加上當日又係爸爸媽媽嘅結婚周年，所以叫咗佢哋由新加坡嚟香港，點知原來唔係。」
撰文：葉雪
