香港社會無奇不有，銀行界更是見盡人生百態。《香港討論區》的銀行界討論區內，刊登了兩則聲稱真人真事、發生在銀行分行的笑話，故事中的主角均是名不見經傳的小市民，在此不打算深究其真偽，純粹娛樂大家。
笑話一：
「我聽我獅子銀行個師兄講，佢有一次接到個儍佬，無端端喺個袋度攞本雜誌出嚟當紅簿仔，話要提款。我師兄話當時突然呆咗一呆，唔知點算好，好彩佢隔籬個同事夠鎮定，走過去我師兄個counter同個儍佬講：『先生，你想提款呀，不過你本簿仔係隔籬渣打㗎，唔好意思。』跟住個儍佬『哦』咗一聲，講咗句唔該就走咗嘞，跟住啲銀行保安話見到個儍佬真係走去隔籬渣打㖭，哈哈。」
笑話二：
「有日聽電台講，有位銀行同業遇到人客查詢，當時要求客人說出全名，客人說自己是『陳小姐』，於是銀行同業再問她：『姓『陳』，但名字是……』客人再回答是『小姐』，那銀行同業以為客人玩嘢，於是再重新問多次姓和名，客人便不悅地叫銀行同業看清楚她身份證的姓名是甚麼……原來真係姓『陳』名『小姐』……」