周六國際賽主打，英格蘭嗰邊當然關心國家隊可唔可以打低馬其頓；不過同日有6場英甲賽事舉行，其中巴拉福特同卡素爾兩支主場超勁球隊出擊，唔好多心，先捧兩軍主客和的主勝先。
巴拉福特英甲主場6戰4勝2和，手下敗將燦美爾、布里斯托城等，全部前列分子，難得巴拉福特非常「正氣」，主場4場勝仗中，有3次都淨勝對手兩球，唔驚呢支打過英超嘅球隊「思思縮縮」，贏1球就收手。今次巴拉福特主場對住哈特斯菲爾德，哈軍近4仗只得1勝1和2負，而且共失8球，後防真係信唔過。巴拉福特主客和的主勝及讓半球的上盤都捧得過。
卡素爾係英甲主場王，6戰5勝1和，比諾定咸森林、燦美爾呢啲有名氣球隊仲勁；卡素爾今場對手係已經大不如前嘅米禾爾，米禾爾受財困影響，今季主力星散，隨時跌落乙組，上仗反勝洛達咸叫做反吓底，不過奇迹未必有咁多次。
飛腳前鋒超班唔怕追
同日仲有日職聯賽事，上周前列雙雄大阪飛腳同川崎前鋒均贏唔到，不過佢地級數明顯超群，一次失手不妨再追；飛腳作客江河日下嘅山葉，前鋒主場對手更只係大分三神；可以預期臨場飛數會側向飛腳同前鋒，有信心提早一日買，絕對唔怕蝕底。文：牽牛