今晚花好月圓，男女老少，大概都已經計劃好節目，共慶良辰。香港法例嚴禁煲蠟，但煲煙卻不犯法。一群女子網上相約，藉此佳節，破天荒舉行「中秋煲煙大會」，在嫦娥與玉兔見證下，以煙會友，一邊抽煙，一邊賞月。不過有網民直言相諫︰吸煙危害健康。
「不如中秋搞個燒煙會，大家出來齊齊煲煙，個場面一定好鬼壯觀！」she.com女煙民「月亮忘記了」在中秋前夕發起煲煙大會，一呼百應，同道網友立即提議舉辦場地，包括人煙杳杳的龍鼓灘，還有古意盎然的屏山聚星樓等等。
通過禁煙淪為企街
這群女煙民其實大有來頭，她們就是今年香港回歸日創會的「女煙民同好會」會員。發起人「女煙民」說：「我當然係女煙民啦，歡迎各女煙民，大家認識一下，傾吐日常遇到嘅不平事。呢個topic唔歡迎各位說教人士，吸煙有幾危害健康我哋知啦，女仔食煙有幾討厭都唔使再講，OK！？」
女煙民同好會會員話題當然圍繞吸煙，有會員擔心日後室內場所禁煙法例一旦通過，她們會淪為企街：「我從來唔會去成間都係禁煙嘅食店，但以後一定好慘了，所有食肆都禁！即係話，趕我哋啲煙民出街企啫！」
網民反擊：害到人
她們的言行已經引起網上途人注目，高登吹水台網民對女煙民大肆抨擊，「晏架街球場」說：「成班煙民懶委屈咁樣，一定無諗過自己食煙係會害到人啦，仲大大聲大條道理咁話人。」