法國巴黎私人銀行噚日開記者會，介紹新服務，唔係教人點樣賺錢，係教人花錢享樂。
該行香港分行副行政總裁倪浩邦（EricAubin）介紹，可以協助客戶，喺法國主要釀酒集中地區購買酒窖，「實踐自己嘅夢想」，是否投資增值還是次要。購買酒窖最低入場費30萬歐元（296.4萬港元），每個酒窖存酒量約150支。另外，每年繳付管理費同保險費，就可以喺48小時內，隨時從自己嘅酒窖選擇美酒，運往他身處嘅國家地區享用；而且呢啲酒嘅價錢，肯定比零售價平四成！
唔……聽落幾過癮，華華心諗，三百萬買百五支酒，計落每支兩萬銀！一定好香醇定嘞。
佢哋曾幫個大客，喺法國買咗個葡萄園，成為客戶家族每年聚會地點，維繫家族感情，真係比賺錢更難得嘅服務。
呢啲為客戶提供實現夢想嘅服務，喺佢哋私人銀行業務中佔嘅比重只係好細，但佢話重要性就好高，因為可以藉此搞好同客戶嘅關係，方便佢哋為客戶提供其他更賺錢嘅服務。